ᐃᓕᖅᑯᓯᓕᕆᔨᒃᑯᑦ

ᓴᓇᓗᒃᐸᖕᓂᖅ

ᓄᓇᕘᒻᒥ ᐱᑕᖃᐅᒻᒪᕆᒃᐳᖅ ᐱᖅᑯᓯᖏᓐᓂᒃ ᓴᓇᑐᔪᓂᒃ ᓴᓇᔪᓐᓇᖅᑐᓪᓗ ᐱᓕᕆᓂᕐᒧᑦ. ᐃᓄᐃᑦ ᐃᓕᖅᑯᓯᖏᑦ, ᐅᓂᒃᑳᖅᑐᐊᖏᑦ ᐅᑭᐅᖅᑕᖅᑑᓪᓗ ᓄᓇᖓ ᐱᑕᖃᐅᖅᐳᑦ ᐊᔾᔨᐅᙱᑦᑐᒥᒃ ᑕᑯᒥᓇᖅᑐᒥᒃ ᐊᔾᔨᒌᖏᑦᑐᓪᓗ ᐃᓕᓐᓂᐊᕈᑎᒋᔪᓐᓇᖅᑐᑦ. ᐃᓄᐃᑦ ᐊᑐᖅᐸᒃᑐᑦ ᖃᐅᔨᒪᔭᒥᖕᓂᒃ ᐊᑐᖅᖢᑎᒃ ᓴᖅᑭᓂᕐᒥᒃ ᓴᓇᐅᒐᕐᓂᒃ ᓯᕗᓂᕆᔭᑦᑎᓐᓄᑦ.

ᑕᐃᔅᓱᒪᓂ ᐱᒋᐊᕐᖓᖅᐹᕆᓚᐅᖅᑕᖓᑦ ᐃᓄᐃᑦ ᓴᓇᐅᒐᖏᑦ ᐱᒋᐊᓚᐅᖅᓯᒪᕗᑦ ᐱᐊᓂᒃᐸᓪᓕᑎᓪᓗᒍ 1940-ᖏᓐᓂᑦ. ᐃᓄᐃᑦ ᑕᖅᓴᕆᒃᑐᑦ ᒥᖅᓱᒐᖏᑦ, ᑎᑎᖅᑐᒐᑦ ᓇᕿᓯᒪᔪᑦ, ᓴᓇᖑᐊᒐᖏᑦ, ᐅᔭᒦᑦ ᓯᐅᑎᕈᑏᑦ, ᐱᐅᔪᐃᓪᓗ ᓴᓇᔭᐅᒐᓪᓚᕇᑦ ᐱᒋᔭᐅᓂᖅᐸᖑᓕᖅᑐᑦ ᓄᓇᕐᔪᐊᓕᒫᒥ. ᐅᓂᒃᑳᖅᑐᐊᑦ, ᑲᑕᔾᔭᖅᑐᑦ ᕿᓚᐅᔾᔭᖅᑐᓪᓗ ᓄᓇᕘᒻᒥᐅᑕᐅᔪᓄᑦ ᐱᒻᒪᕆᐅᒋᔭᐅᒋᓪᓗᑎᒃ ᐱᖅᑯᓯᖏᓐᓄᑦ.

ᓴᓇᐅᒐᐃᑦ ᓄᓇᕘᒻᒥ ᐱᖃᓯᐅᔾᔨᕙᒃᑐᑦ ᖃᐅᔨᒪᔭᑐᖃᖏᓐᓂᒃ ᒫᓐᓇᐅᓕᖅᑐᒧᓪᓗ ᐊᑐᖅᑕᐅᕙᒃᑐᑦ ᐱᓕᕆᔪᓐᓇᖅᑕᒥᖕᓂᒃ. ᑕᒪᐃᓐᓄᑦ ᒫᓐᓇᐅᓕᖅᑐᖅ ᑕᐃᓱᒪᓂᐅᓚᐅᖅᑐᕐᓗ ᑲᑎᑦᑎᕙᒃᑐᖅ ᐱᓕᒻᒪᒃᓴᐃᓂᕐᒥᒃ ᐃᓇᕐᓄᑦ ᒪᒃᑯᒃᑐᓄᓪᓗ ᓴᖅᑭᓂᕐᒥᒃ ᖁᕕᐊᓇᓪᓚᕆᒃᑐᓂᒃ, ᐃᓱᒪᒃᓴᖅᓯᐅᕈᑎᐅᔪᓐᓇᖅᑐᓄᑦ ᓴᓇᐅᒐᕐᓂᒃ ᓱᓕᔪᓂᒃ ᐊᔾᔨᐅᖏᑦᑐᒥᒡᓗ ᓄᓇᕘᒻᒧᑦ.

ᑎᑎᕋᖅᑕᐅᕙᓪᓕᐊᓂᖏᓐᓄᑦ ᓴᓇᓗᒃᐸᖕᓂᕐᒧᑦ ᐱᓕᕆᐊᖑᔪᖅ

ᖃᓄᐃᓕᐅᖅᑐᖃᓚᐅᖅᓯᒪᓂᖓᓄᑦ ᑎᑎᕋᖅᓯᒪᔪᓄᑦ ᓴᓇᓗᒃᐸᖕᓂᕐᒧᑦ ᐱᓕᕆᐊᖑᔪᒧᑦ ᑲᑎᑦᑎᓂᐅᕗᖅ ᐊᕐᕌᒍᑦ 1800 ᐊᑐᖅᑎᓪᓗᒋᑦ ᐱᓕᕆᐊᖑᕙᓚᐅᖅᑐᓂᒃ, ᓴᖅᑭᑕᐅᓯᒪᔪᓄᑦ ᐅᒥᐊᕐᔪᐊᒃᑰᖅᐸᓚᐅᖅᑐᑦ ᑎᑎᕋᐅᔭᖅᑎᓪᓗᐊᑕᖏᓐᓂᒃ. ᑖᒃᑯᐊ ᓴᓇᔭᐅᓯᒪᔪᑦ ᑭᒡᒐᖅᑐᐃᕗᑦ ᖃᔅᓯᑦ ᓄᓇᕗᒥᐅᑦ ᐃᓅᓚᐅᕐᓂᖏᓐᓂᒃ ᐊᕐᕌᒍᑦ 1800 ᐱᒋᐊᓕᓵᖅᑎᓪᓗᒋᑦ.

ᑖᒃᑯᐊ ᑕᑯᒃᓴᐅᑎᑕᐅᔪᑦ ᓂᕈᐊᖅᑕᐅᓚᐅᖅᐳᑦ ᐅᔾᔨᕐᓇᖅᑐᒻᒪᕆᖕᒥᒃ ᐊᔾᔨᒋᔭᐅᙱᓐᓂᖏᓐᓄᑦ. ᐃᒪᓐᓇ ᐃᓱᒪᒋᓪᓗᒍ, ᓴᓇᔭᐅᓯᒪᔪᑦ ᑕᑯᒃᓴᐅᑎᑦᑎᖕᒪᑕ ᐃᓄᐃᑦ ᐊᓐᓄᕌᖏᓐᓂᒃ, ᐃᓕᖅᑯᓯᖏᓐᓂᒃ ᐊᑐᖅᑕᐅᕙᓚᐅᖅᑐᓂᒡᓗ, ᐃᒡᓗᖔᖓᓄᑦ ᐃᓱᒪᒋᓪᓗᒍ, ᐊᔾᔨᒌᙱᓐᓂᖃᕐᔪᐊᖅᐳᖅ ᑯᐃᓐ ᓄᓇᖓᓐᓂ ᐅᒥᐊᕐᔪᐊᒃᑯᑦ ᐅᓇᑕᖅᑐᓴᐃ ᐱᓕᕆᔨᖏᓐᓂᒃ.

ᑖᒃᑯᐊ ᑕᑯᒃᓴᐅᑎᑕᐅᔪᑦ ᐅᓄᕐᓂᖅᓴᖏᑦ ᐱᔭᐅᓚᐅᖅᐳᑦ ᕿᒥᕐᕈᐊᒐᖃᕐᕕᖕᒥᑦ ᐃᑦᑕᕐᓂᓴᓕᕆᔩᓪᓗ ᑲᓇᑕᒥ.

ᐊᔾᔨᙳᐊᓄᑦ ᕿᒥᕐᕈᐊᕆᐊᖅᑐᕐᕕᒃ

ᖃᓄᐃᓕᐅᖅᑐᖃᓚᐅᖅᓯᒪᓂᖓᓄᑦ ᑎᑎᕋᖅᓯᒪᔪᓄᑦ ᓴᓇᓗᒃᐸᖕᓂᕐᒧᑦ ᐱᓕᕆᐊᖑᔪᒧᑦ ᕿᒥᕐᕈᐊᒐᑯᓗᒃ (PDF)